Hokboan sa Sola' nin Fukuda

An Hokboan sa Sola' nin Fukuda kan taon 1565 iyo an pinakaenot na nakatalang sagupaan sa pag'oltan kan mga Europeo (Portuges) asin mga Hapones. Sarong flotilla nin mga samurai sa pamamayo ni daimyo Matsura Takanobu an nagdaluso' sa duwang Portuges na mga barkong may mga darang paninda huli sa kaanggotan na imbes magdagos sa saindang pwerto sa Hirado, nagpasiring sa pwerto nin Fukuda(福田), pwertong sakop kan karibal nindang si Ōmura Sumitada. An pagpolpogan kan duwa sarong pagbalo' kan mga Portuges na parabariwas sa saindang paghanap nin toltol asin ligtas na hatodan asin doongan nin mga paninda. An laban nagtapos sa makuring dugoan na kadaogan kan mga Hapon. Sinasabing lampas 70 an nagadan, 100 irido sa parte kan mga Hapon asin 8 an nagadan sa parte kan mga Portuges.

An hokboan imbwelto an 1 carrack, 1 galleon, mga 80 katawo sa parte kan mga Portuges, asin 8-10 paraw, mga 60ng baroto, mga 100 na tauhan sa parte kan mga Hapon. Sa katapos-taposi, an mga Portuges nakadangtol sa mas ligtas na doongan kan Nagasaki.^[1]

1. ↑ Boxer, C. R. (1948). Fidalgos in the Far East, 1550–177. The Hague: Martinus Nijhoff. Kinua 16-12-15